Chin State (Chinland) huam chhungah Chin mite bakah mi dang khualzin lut turte CNF-ten luh an khap rih thu June 8 khan an thuchhuahah an tar lang a.
Chinland huam chhungah loh theih lova lut tur te chuan CDF leh PDF-te hriatpuina lehkha lak a ngaih thu CNF-ten an sawi a.
Heng bakah hian mipui khualzinten Military council-te nena inhnamhnaih mi te leh ralthuam kaihhnawih reng reng phurh luh phal a nih loh thu CNF-ten an thuchhuahah an tar lang bawk a ni.
Thuchhuah anga zawm lo leh tilui an awma man an nih chuan na taka hrem an nih dawn thu leh thuchhuah sut leh a nih hma loh chu kenkawh a nih reng dawn thu CNF-ten an sawi a.
May thla nawi vel atang khan Chin State, Halkha leh Thantlang inkar Timit phaitualah Military council sipaite leh CDF tangrual pawlte an inkap nasa hle a, thi leh hliam an awm nual ve ve thu hriat a ni a.
Hetiang vek hian Chin State chhim lam, Mindat leh Matupi khaw chhehvelah Military council sipaite an che nasa hle tih hriat a ni bawk.
