Paletwa township, Tonemawa (Tong Ma Wah) khuaa Primary School-a zir, Kaladan tuipui lam pana Yemawa (Zi Ma Wah) khaw zirlaite chuanna Engine Lawng chu August 2 khan Hnamathar (Hna Mah Ta) vau kama buk inkhuar, Military Council ten an kap a. Kum 12 mi, Pawl 5 zirlai mi 2 an kah hlum thu Paletwa khawpuia tualchhung mi pakhat chuan a sawi.
August 1 khan Hnamadaw khaw chheh velah Military Council-te leh Rakhine Army (AA) te an inkah tawh hnuin tukin atang khan Kaladan tuipui-a kal vel thu-ah an Duty nasa hle a, an kah thu hriat a ni.
“Nimin khan Kaladan tuipui, chhuah lam Hnamathar hi Tonemawa leh Yemawa khaw hmaichhawna awm a ni a, he Hnamathar-ah hian nizan khan boruak a awm tawh a. He thil thlengah hian ral lehlamah kah hliam an awm a. Vawiinah chuan Engine Board hmanga luipui chhuk chho zawh phal a ni lo tiin Kyauhdaw (Chauh Daw) leh Paletwa inkarah, thupek angin a Duty hnua kah an ni a. Tuipuia chhuk chho an phal lo a ni ber a, heti hian Lawnga chuang, zirlaite thi leh hliam an awm phah ta nia rin a ni”
Military Council tena an kah hlum tak te hi Yemawa khuaa kum 12 mi, Pawl 5 zirlai, Maung Nyi Min Tun (Mawng Ni Min Thun) leh Maung Aung Tan Mynit (Mawng Awng Tan Mit) te an ni. Hliam tuar mi 3 te chu kum 12 mi, Pawl 5 zirlai vek, a hnungzanga hliam tuar Maung Aung Linn Win (Mawng Awng Lin Win), a ke-a hliam tuar Ma Khin Kyi Aung (Mah Khin Chi Awng) leh a kut dinglam leh a beng bawr vela hliam tuar, kum 54 mi, Officer U Pa Du, an nih thu hriat a ni.
He Engine Board-ah hian zirlai mi 10 vel an chuang nia hriat a ni a, hliam tuar mi 3 te hi zan dar 7;30 vel khan Paletwa khawpui Civil Hospital an thlen tawh thu hriat a ni.
Tonemawa leh Yemawa khua hi Kaladan tuipui atanga tlak lamah an awm a, Paletwa township atangin Engine Board nen darkar 1 vela thlen theihna a nih thu hriat a ni.
