Tawng inhriat tawn loh avang leh hmun hlaa awm te tana a awlsam zawk nan tiin online hmanga Doctor-te biak pawh theihna Chin Telehealth online clinic chu Chin Health Oeganization (CHO_-te an hawn thu hriat a ni a.
Myanmar ram chhung boruak a that loh avanga hmun hlaa awm Chin mi te, a bik takin damloten Doctor an rawn chungchangah tawng inhriat tawn loh avang te, hmun hla atanga Clinic pan thei lova harsatna nei damlo te tan Chin Telehealth online Clinic hi hawn a nih thu hriat a ni a.
Chin Telehealth online Clinic-a biak pawh theih nan hian mahni phone atangin Telegram application, download hnuah Masseger atangin booking hnuah inbiak pawh theih a ni a.
Zing dar 10 atangin chawhnu dar 4 thleng Masseger-a booking theih a ni a, damlo number, biak pawh hun, clinic hmun te chu Telegram link atangin Messenger-ah an rawn thawn dawn thu hriat a ni a.
Telegram Message Box atangin damlo inentir tur No. an rawn thawn dawn a. Chin Telehealth online Clinic hawn hun hi chawlhkar khat chhungah Thawhtanni atangin Zirtawpni hun chhung zing dar 10 atangin chawhnu dar 4 thlengin hun hawn a nih dawn thu hriat a ni bawk.
Damlo inentirnaah hian an dam loh dan leh a tul anga thurawn pek zel a nih dawn thu Chin Telehealth online Clinic chuan an thuchhuahah an tar lang a ni.
