Thubuai hrang hrang awrhtir a, mi tam takin an thlir mek leh kum 33 Jail tang tura an hrem mek Daw Aung San Suu Kyi (Awng San Suh Chi) appeal tura, a Ukilin a tih chungchangah hmuh an phal loh thu a hnaivaia mi ten an sawi.
Kum 77 mi Daw Aung San Suu Kyi hi nikum December thla khan a thubuai hnuhnung an awrhtir leh avangin a vaiin kum 33 Jail tang tura hrem a ni tawh a. Hemi tum hian a Ukil nen a inhmuh hnuhnun ber a ni a. A Ukil hian a thubuai awrh hrang hrang sut leh tura a theh luhnaah an paihthlaksak zel a, a dang pawh a la awm nual a ni tiin dan lama thuneitu pakhat chuan AP Media hnenah a hrilh a, Military council ten an hnawl leh a hlauhthawn thu AP Media hnenah a sawi a ni.
Military council ten Daw Aung San Suu Kyi thubuai chungchang hi kum 2021 atang khan sawi chhuah an khap tlat a. Nikum December thla khan a thubuai awrh 5 sawi turin a ukil chuan Court hun an nghak a. Appeal chungchangah Janaury thla laihawl khan a Ukil nen inhmu turin an dil a, Thawhlehni thleng khan eng mah chhana a la awm rih loh thu dan lama thuneitu pakhat chuan a sawi a ni.