Kayah State, Demoso township ni chhuahna lam, Tanilale tlang atanga kir leh Military council sipai te an beihnaah Military council sipai 5 ruang leh ralthuam tam tak an laksak thu KNDF Battalion 9-a thuneitu ten Khit Thit Media an hrilh a ni.
March 19, zing dar 4:00 vel atang khan Demoso township ni chhuahna lam zar Tanilale tlang atanga kir leh, Military council sipaite KA, KNDF Battalion ten zing dar 6:00-8:00 thlengin an kah rawn a, Military council sipai 3 an thi a, MA 1 silai 2, 14 bomb 40, bomb hmahruai 2, RPG7 paruk, silaimu bawm 9, G3 silaimu 596 leh vawm bomb pakhat an laksak thu hriat a ni.
“An kir dawn thu kan hriat avangin pawl 2-a karchehin kan bei a, Military council sipaite Daw Kha Mi khaw lamah an kir a. anni pawl 3-a kal te a hnuah pawl 2-in an infin leh” tiin KNDF Battalion 9-a thuneitu pakhat chuan Yangon Khit Thit Media a hrilh a ni.
March 19, zing dar 10:00 vel khan Demoso township ni chhuahna lam Kayin Ni Battalion buk khurna camp pakhat Military council sipai ten a vawi 2-na an beihnaah meter 300 vela hlaah bomb kam an rah puah avangin Military council sipai pakhat a ke a bung a. Hemi hnu hian KA, KNDF Battalion ten an bei chhunzawm leh a, Military council sipai 2 an hliam thu hriat a ni.
Demoso township ni chhuahna lamah Military council sipai ten artillery pawl pakhat, 427-in pakhat, Nan Hu Battalion-in pakhat pawl 3 leh an puitu ten an bei a. Heng an chhan letnaah silaimu tam tak an mamawh a, KNDF Battalion ten hma an la mek a, silaimu tanpuitu zaa 20 vel chauh an dawn thu hriat a ni.
