Military council sipai ten an sum lak luhna pakhat Oil leh a ram leilung chhuak gas hralh chhuahna EU-in an dan chah avangin US Dollar maktaduai 200 chuang vel Myanmar tan an tihtawpsak thu NUG Finance and Investment Minister U Tin Tun chuan a sawi a ni.
March 20-a MOGE leh a kaihhnawih meeting press conference-ah he thu a sawi a. Rakhien vaukama gas, Korea POSCO ten Chinna-a thawn turin Euro pawisaa remtih an ti a. Military council ten thuneihna an lak hnu hian EU-in Myanmar tan sumdawnna a kharsak avangin heng sum te hi Military council-ah thleng tawh lovin an tihawpsak rih thu hriat a ni.
“EU sanction thunun POSCO pawisa chuan Military council sipaite hnenah an thleng tawh lova ang a, Oil leh nuture gas-a an sum hmuh chu Escrow Account-ah a lut tawh ang” tiin Electricity and Energy Ministry U Soe Tura Tun chuan March 20-a press conference-ah an sawi a ni.
Hemi chungchangah NUG chuan Military council-te leh an thawhpui PTTEP company te March 20 atang khan Yardana project te nen an inkaihhnawih chungchangah Demand letter a thawn a. Ni 30 chhunga an chhan loh avangin Singapore-a Arbitration Tribunal hnenah an thlen a, dan anga hma an lak dawn thu NUG, Electricity and Energy Ministry U Soe Tura Tun chuan a sawi a ni.
Military council sipai ten oil leh natural gas project atang hian thla khatah US Dollar maktaduai 90-100 chuang an hloh a. Thai PTTEP company-ah Demand Letter theh lutin hmun danga oil leh natural company-a hnathawk te an dawr leh dawn thu NUG chuan a sawi a ni.
