Myanmar ramah foreign pawisa chu ram chhung pawisa nen thleng nghala hman theih dan tur kawng military council thuhnuaia awm central bank chuan April ni 3 khan thuchhuah siamin order a tichhuak a, chu mi hnuah April ni 21-ah military council chuan chu ruahmanna laka fihlim thei company emaw investment neite list chu tichhuak leh hnuhnawh a ni.
Chung zingah chuan Myanmar rama Investment Commission phalnaa Foreign direct atanga direct-a investment ti te, special business zone-a investment tit e, Embassy, UN pawl leh sorkar ni lo (NGO) te, Ram chhung sorkar airline emaw foreign international airline te telin, chung ho chu foreign pawisa an dawn atanga ni khat chhungin ram chhung pawisaa thleng vek tur tih thuchhuah April ni 3-a Central bank order chhuahah an fihlim thei dawn tihna a ni.
Chutianga thuchhuah hmasa zawk an siamna chhan chu foreign atanga investment rawn tite tan phurrit a nih loh nan a, ram chhung pawisaa chantir nghal vat tum a nih thu military council hnuaia Investment and Foreign Business Relations Minister U Aung Naing Oo chuan foreign media reporter-te chu Online-a press conference-ah a sawifiah thu AP news chuan a tarlang a ni.
