Magui region, Gangaw township-ah June ni 8 zing lam atanga zan lam thlengin military council sipaite leh PDF-Gangaw battalion, YPDF tangrual pawlte an inkap a, sipai lamah mi 20 vel an thih thu Western Region Command Headquarters Battalion 706 Hyper UAV Force lamin an sawi.
Gangaw township Ye Hla khua atanga chhuak sipai operation chu June ni 8 zing lam dar 7 vel atangin Western region command headquarters battalion 701, PDF-Gangaw Battalion, 704, 706, HUF leh Yaw PDF tangrual pawlin silai lian leh te hmanga an ambun thu HUF thupuangtu chuan a sawi a.
Ani chuan, “Kan inkap tawn hun chhung chu darkar 1 vela rei a ni ang a. Sipai lamah 15 an thi a. Tlai lam dar 3 velah Hmuih-Le khua atanga Yi-Shin-Mah khaw lama kal operation neih tum sipaite chu kan lambun leh a, sipai 5 an thi leh bawk a. Pin-Ta-Se lam atanga operation rawn nei military council sipaite pawh A-Naaa khaw bulah HUF lamin AirDrop thlakin an bei a, sipai lam an thih leh thih loh chu hriat theih a la ni lo,” tiin a sawi.
Magui region Kaiii-Le police station chu June ni 7 zing lamah tualchhung Alliance pawlin an luhchilh a, police 4 an kap hlum a, pakhat a ke an tansak thu YDF-Pauh hruaitu Boe Naa-Pauh-an DVB a hrilh a.
Ani chuan, “Nimin lamah station lak run pui kan nei a, mahse thi leh hliam zat chiah chu kan la hre thei lo. Hliam tuar police 3 chu an tlan chhuak ngei a. Kan police man pakhat, bomb rap puaka thi ta nen mi 4 chu an thi ngei a. Hliam tuar police pakhat chu Pauh damdawi in lamah thawn a ni a, a ke pakhat tansak a ni,” tiin a sawi.
