Magwe (Ma Gui) region, GanGaw township, Kan Ywa khuaa police station PDF ten an kah rawnnaah Military council sipai 45 an thi a, mi 10 an hliam thu HYPER UAV FORCE Drone hmang pawla thuneitu pakhat chuan Yangon Khit Thit Media a hrilh.
March 31 khan Military council sipaite leh police tang dunte awmna Kan Ywa police station, PDF tangrual ten an kah rawnnaah Military council sipaite 45 an thi a, mi 10 an hliam a. PDF lamah sipai 2 an boral a, sipai pakhat bomb a chil phuah avangin a ke pakhat a hloh a, mi 9 hliam te an dinhmun a derthawng lova, sipai dang te hmun hlim lamah an insaseng thu hriat a ni bawk.
He inbeihnaah hian “Energa bomb 5, 60 MM bomb 3 leh bomb pangngai 23 hman a ni a. Police station 75% kan laksak a. A bang erawh khawmual lam atangin hma an la leh ang” tiin HYPER UAV FORCE Drone pawla thuneitu pakhat chuan Yangon Khit Thit Media a hrilh.
An inbeihnaah hian GanGaw district-a innghat Drone pawl HYPER UAV FORCE, GanGaw district battalion 1,7,11,12,14,19, ABSDF leh khawchhung NUG PDF tangrual ten an beih rawn thu hriat a ni bawk.
