Chin State, Halkha khawpui leh Thantlang khawpui inkarah Military Council sipaite leh CDF tangrualte inkahnaah Military Council sipai 25 aia tlem lo an kah hlum thu CNF ten an thuchhuahah an tarlang.
October 13 atang khan CNA leh CDF tangdun ten Halkha khawpui luh chhuahna kiang, Thidar (Ti Da) khuaah October 19 thleng an inkah thu CNF ten an sawi.
Chutiang vekin Thantlang khawpui atanga thawk chhuak Military Council sipai 40-te chu CDF tangrual pawl ten an kah rawn leh a. Military Council sipaite hliam an awm nual avangin Jet Fighter-in an rawn puih thu hriat a ni.
He inkahnaah hian CDF tangrual pawl ten Military Council sipai 25 aia tlem lo an kap hlum a, mi 20 aia tlem lo an hliam niin CDF ten an sawi. He inkahnaah hian CNA sipai 3 leh CDF Halkha sipai pakhat ram tan an nunna an hlan a, sipai pakhat a hliam nat thu hriat a ni.
Halkha khawpui kiang, Halkha khawpui leh Thantlang khawpui inkar inkahnaah CNA, CJDC Special Force, CDF Thantlang, CDF-Zophei, CDF Lautu, CDF Mara leh CDF Halkha Battalion tangkawp te an tel thu hriat a ni.
