Chin State, Halkha khuaah current bill an khawn chuan kan man anga, kan kap ang tiin Hakha Circle Council (HCC) ten March 27 khan an thuchhuahah an tarlang a ni.
Kum 2023 April thla atang khan Halkha khawpuiah current bill khawn turin Chin State Military council ministry kut hnuaia Ministry of Electricity and Energy director ten thupek an chhuah a.
Kum 2021 February 1 atang khan Military council sipai ten thuneihna an lak atangin dan mumal a awm tawh lova. Ministry of Electricity and Energy hnenah current bill an khawn pawhin bill pe tawh lo turin HCC ten mipuite hnenah thuchhuah an siam tawh a ni.
\
Thupek an chhuah tawh angin current bill khawntute an awm chuang HCC ten na taka an hrem dawn thu an tarlang bawk a ni.
Current bill khawntu ten mipuite harsatna an siam chuan kah leh man an nih dawn thu HCC ten an thuchhuahah an tarlang a ni.
Chin State-a Military council sipai ten kum 2023 February 2-a Martial Law an puan tum pawh khan Halkha township pawh a tel thu hriat a ni.
