May 3 hi International Press freedom Day a nih angin Myanmar-a chanchinbu mite an man takte chhuah zalen turin Myanmar lam ngaihtuahtu France Ambassy atangin ngenna thu an chhuah.
Chanchinbu lama zalen taka an chhuah theihna tur leh internet hman chungchangah bituk awm lo turin an ngen tel bawk.
Myanmar ram chhungah hian chanchinbu mite chungah beihna an tawh nasat avangin Media lama hnathawktute Licence tihtawpsak a nih nual thu France Ambassy ten an sawi.
Nunna atana hlawhawm lakah thu belh chian dawl an chhuah chungchanga chanchinbu mi ten tan an lakna hi France ten an fak thu an tar lang.
Military Council ten sorkarna an lak hnu hian 7 Day News, Delta News Agency, DVB, Kamayut Media, Khit Thit, Mizzima, Myanmar Now, Myitkyina News Journal, Tachileik News Agency, The 74 Media leh Zayar Times, Media Group 11 te chu Military Council ten Licence an tihtawpsak.
Myanmar chanchin chhuitu pawl ISP Myanmar-in a chhinchhiah dan chuan kum khat chhunga Military Council ten chanchinbu mite an man zawng zawng hi mi 143 man tawh niin mi 39 an la hreng mek a, mi 19 thubuai awrhtira Jail tantir an nih thu May 2 khan an thuchhuahah an tar lang.
Ram hrang hrang thlirin chanchinbu mite man tamna ber chu China niin Myanmar hi a pahnihna a nih thu France Ambassy chuan vawiin an thuchhuahah an tar lang.
