Sagaing Region, Kalaymyo township, chhim lam Asih See (East Seekhua) khua chu May 1, atang khan Military Council ten luhchilhin chenna in an hal chhe vek a, khawchhunga awm mi 3 pawh an thah thu tualchhung mi pakhat chuan Yangon Khit Thit Media a hrilh.
Military Council-te buk khuarna Buddist School leh Zirna School tih loh chenna in zawng zawng an hal chhe vek a. Asih See khuaah hian chenna in 900 chuang awmin khaw lian pakhat a nih thu hriat a ni.
“Kalaymyo township-a Asih See khawpum chu Military Council ten an hal chhe vek a. He khau in 900 chuang awmna hi May 1,2 khan an hal a. In 3 chu luah theihin a la awm. In chhunga bungrua leh thil man to an lak hnuin an hal a, khawchhunga awm mi 3 pawh an zuah lova, tute nge an nih hriat an la ni lo. Khawchhungah tumah kan luh ngam lo” tiin tualchhung mi pakhat chuan a sawi.
April 27 khan Military Council ten Asih See khaw pana an kal laiin PDF tangkawp te nen an inkap nasa hle a. Military Council tam an thih tam avangin phuba lak nan Asih See khawpum chenna in an hal thu hriat a ni.
May 3 khan Military Council ten chung lam atang, Helicopter-in an kap nasa hle a. Tualchhung mi te an tlanchhe vek a, ei leh in, silh leh fen, chenna tur an mamawh zual hle a, tanpui an ngaih thu hriat a ni.
