Sagaing Region, Kalaymyo, Tat Oo Thidar (Tat U Ti Da) Ward-a awm, kum 6 mi Cing Ngaih Hau-i awmna in leh a dang in pakhatah July 3 khan Military Council sipai ten ralthuam liana an kah avangin a chhia a.
Ralthuam lian an kah avangin Cin Ngaih Hau-i bek ding lamah Bomb si per a luh a. An boruak tawn dan a hringtu nu chuan heti hian a sawi.
“Ka fa naupang ber hnute ka hnektir laiin Bomb vawi 2 a tla a. Ka hnungzangah Bomb si perin min fuh bawk a, ka fa upa zawk rawn tho harh, tap thawm ka en chuan a lo thi hnuang a. Zan a nih avangin Damdawi in pan mai a harsa a, a tuk zingah X’ray kan la a, a lu-ah Bomb si per a luta Mandalay pan vat a tul thu Doctor-in min hrilh a. Mandalay Clinic-ah CT Scan kan la leh a. Doctor-in hmanraw tha kan nei si lova, kan zai ngam lo, ram pawn pan a ngai ang tiin min hrilh ”
Cing Ngaih Hau hi unau pakhat a nei a, chhungkaw rethei ve tak an ni a. A pa hian a remchan angin Cement Ministiri hna leh ek in khurte a lai ve lawp lawp a. A khat tawkin a nupuiin a pui ve thin a. Doctor thurawn anga an fanu ram danga in enkawl tur chuan an chhungkaw dinhmunin a tlin ngang lo a ni.
Doctor thurawn angin Mandalay khawpuiah thla khat, vawi khawt in entir tura a tih pawh an kal hlei thei lova. A damdawi ei tur a zawhna pawh thla 3 a nih thawh thu, a pa chuan heti hian a sawi.
“A damdawi ei tur a zawhna hi thla 3 a ni tawh. Kalaymyo-ah lei tur a awm si lo. Mandalay-ah CT vawi khat kan lakin Kyats Nuai 4 sen a tul a, damdawi manah kan hmang tam ber. Mandalay-ah tum 4 kan kal tawhnaah tum 3 chu mi te tanpuina sum tawh hman a nia. Thla tin kal tur chuan kan tlin lo, zai kan duh bawk si, sum kan neih loh avangin ram dang kan kal thei lo” a ti a.
Cing Ngaih Hau hi a lu-ah Bomb si per a awm avangin a hriatna a hloh tan tawh a, a hming pawh sawi thei tawh lovin a ding thei tawh lo bawk.
“Tun hmaa hmeichhe naupang harhvang tak ziak leh lehkha thiam thei tak Cing Ngaih Hau hi a lu-ah ralthuam si perin a fuh atangin a hriatna a hloh tawh a, a ke vei lam a na tan a, a ding char thei tawh lo” tiin a nu chuan a sawi.
RFA Media Group-in, a chhinchhiah dan chuan Military Council ten sorkarna an lak hnu thla 20 chhung hian Kalaymyo township-a ralthuamina a hliam mi 15 an awm tawh a. Hmeichhia 4, mipa 8 leh kum tling lo naupang 3 te an nih thu hriat a ni.
