Sagaing Region, Kalaymyo township-a Military Council, lamtang mipui sipai anga inchhal Phyusawhti pawl tan Military Council ten Bike 120 an pek thu Military Council Media-in a tar lan thu hriat a ni.
Kalaymyo-a Military Council sipai hmunpui, Military Region (Dah Kah Sah), AungSan Hall-a function an neihnaah Bike chi hrang hrang; One Two Five =125, One Ten =110, an pek nual thu hriat a ni.
Kalay PDF-a sipai pakhat chuan “ An Bike dawnte chu an Uniform nen khawchhungah an tei kual chiam a. A tihtur chu ni mah se, an Bike chuan zingah hian hmanni lawka kan inbeihnaa kan Camp-a Bike te pawh a awm nual mai” tiin a sawi.
Military Council te lamtang mipui sipai aiawha an hotu mi 3 te, Bike an pek tawh hnuah an bial fannaa an thil hmuh dan te an zawt a. An harsatna te Military Council ten an chhansak thu Military Council, Media chuan a tar lang.
