Kalaymyo khawpui atanga Chin Hill chhoh nana Military council sipai ten mipui motor an hawh luihsak driver te an la kirtir rih loh thu hriat a ni.
Military council sipai ten motor an hawh luihsak motor neitu pakhat chuan “Motor a tha lo kan tih pawhin motor chhe siam thiam an hruai a. Military council sipai driver ten an khalh a, kan driver te an tir a, tun thlengin an la hawtir rih lova, tlanchhuah pawh a theih loh, harsatna a thlen palh kan hlau khawp mai” tiin a sawi a ni.
March 14 khan Military council sipai ten motor leh khawl lian telin an hruai hlawm a. Hetia an chho lai hian bomb kam hmangin Military council sipai 2 an thi a, an khawl hmangin kawng lakah an phum nghal thu hriat a ni.
March 9 khan Military council sipai rualte Kalaymyo atangin Chin Hill-ah an chhova, March 15-ah Falam township Khuaimual khuaah an riah thu hriat a ni.
…………………….