Sagion region, Kalaymyo, Sanmyo (San Miauh) Ward, Boyoke main road-ah Bike pakhata mi 2 chuang zinga pakhat, Mask vuaha ralthuam keng mi 6 ten March 5 zing dar 10:30 vel khan an kah thu hriat a ni.
An kah hlum tak hi Phyusawhti pawl leader zianga mi Pu Chan Min Aung nia tarlan a ni a, Zalen Media chuan nemnghehna an la nei rih lo. A kah hlum tak hi tlawmngai pawl ten Civil hospital-ah an kalpui thu hriat a ni.
A hmutu mi pakhat chuan “A inkhawm bang Boyoke main road-a an kal laiin Bike-a chesual emaw tiin kan va bawihsawm a. Mahse, a bul lawkah ralthuam keng mi 6 an lo ding a, hmai tuam mi pakhat chuan a silaiin min tin hnuah kan kir leh a. Kawng laiah mipa pakhat a let reng a, a pakhat zawk chu kawng sirah a awm a, silai keng te hi mask an vuah vek” tiin a sawi a ni.
March 3 chawhnu pawh khan Kalaymyo, Tahan khuaah Bike chuang mipa pakhat a kiang lawk atangin an kap hlum tawh a. A kah hlum tak hi mi hektu nia an ngaih laiin ram danga thil thawntu nia ngai an awm bawk a ni.
March 4 pawh khan Ngyang Pyin Ta (Ngiau Pin Ta) Ward-ah Phyusawhti pawl zinga mi pakhat an kah hlum thu Operation Mo Mo ten an sawi a ni.
