avangin naupang telin tualchhung mi 7 an boral a, tualchhung mi 20 chuang an hliam thu July 6 khan RFA Media-ten an sawi a.
Heng thi leh hliam te hi Kalaymyo Ward bakah Kalaymyo chhim lam TaSi, SanTa, ThuMa khua leh YeLe U khua te an ni a. Kalaymyo base Battalion 365, Khah Lah Yah (IB) 228 leh Military hmunpui ralthuam buk atangin ralthuam lianin an kah chhuah thu an sawi bawk a ni.
Ralthuam lian an kah chhuah avangin nunna atana a hlauhawm thu tualchhung mi pakhat chuan RFA Media heti hian a hrilh a.
“Ralthuam lianin zan tin an kap chhuak a, hmun tin deuh thawhah bomb a tla a, bomb thawm kan hre reng thin a, In chungah bomb a tla thin a, thi leh hliam pawh an awm nual a, zan tin kan inring nasa thei khawp mai” tiin a sawi a ni.
Hetia Kalaymyo chhim lama bomb a thlak reng thin avangin khawchhunga mipuite sa him nan tiin Kalaymyo base PDF-ten, tawmpuk (Trench) tur lei khur an laihtir thu an sawi bawk a ni.
Kalaymyo khawpui huam chhung hi Military council te beihna hmunpui pakhat a ni a, Military council sipaiten ni tin deuh thaw ralthuam lian leh te hmanga an beihna hmun a nih thu tualchhung miten an sawi a ni.
