Sagaing region, Kalaymyo leh Magway region atanga Gangaw khawpui panna motor kawngpuiah inkahna a nasa tak, a thlen theih avangin mipuite Lirthei khalh lo turin July 18 khan PDF-Kalay-ten hriattirna thu an chhuah thu hriat a ni a.
Tun dinhmunah hian Kalaymyo township-ah Military council te leh PDF tangrual te nen inkah buaina awm rih lo mah se, inkah buaina nasat tak a thlen theih mai avangin kawng lakah mipuite lirtheia khalh lo turin PDF-Kalay-a thuneituten an sawi a.
Thuchhuah tawh hnua mipuite lirthei khalh an awm a, harsatna an tawh palh chuan PDF tangrualten mawhphurhna an lak dawn loh thu an tar lang bawk a ni.
Hetia thu an chhuah hnu hian Kalaymyo township-a mipui 80%-ten thuchhuah an zawm thu, hriat a ni a. Kalay leh Gangaw motor kawngpui a ven hunah PDF-ten thuchhuah an siam leh dawn thu hriat a ni bawk.
Hetiang vek hian tun dinhmunah hian Kalaymyo township atanga Tamu khawpui leh Chin Hill Taingen khaw panna kawng an la khar rih mek thu hriat a ni bawk a ni.
