Kalaymyo township, chhim leh hmara luang Runluiah tui a lian mek a. October 4, khan chhinchhiahna hlauhawm chin hnuai lam Ft. 3.8 a thleng tawh a, chhinchhiahna hlauhawm chin a pel theih thu rin a ni.
Kalaymyo Runlui tui lian hlauhawm chin hi, cm (Centimeter)1100 a ni a. October 4-a an teh dan chuan cm 982 a thleng tawh a. Chhinchhiahna hlauhawm chin a thlen phak lohna cm118 (Ft. 3.8) a nih thu Department of Metheorology and Hydrogy thuneitu pakhat hnen atanga hriat a ni.
“Naktuk zing vel atang chuan chhinchhiahna hlauhawm chin a pel mai thei” tiin Kalay District, Metheorology and Hydrogy-a thuneitu pakhat chuan a sawi.
Tui luang hi darkar 1-ah a tlangpuiin cm 10-in a sang chho zel a. nakinah chuan chhinchhiah hlauhawm chin an pel mai thei. Thlivir (Low Pressure Area) avangin Magwe (Ma Gui) Region leh Chin State-ah ruah a sur nasa hle a, tui a lian mek bawk.
Kalaymyo-a Phaung Ku (Phawng Ku) luipui pawh a kuang, a chim liam tawh avangin a chhehvela khua a chim tel bawk a. Khawpui chhunga Uh Poh luipui luang pawh tui chim a sang nasa hle tih hriat a ni. Kalaymyo, chuan hnuai chhehvela khaw awmte in ralring turin Department of Metheorology and Hydrogy thuneitu ten an chah thu hriat a ni.
