Sagaing region, Kalaymyo, TaSi khuaah June 25 khan Military council sipaiten chenna in an hal nual hnuah ralthuam lian an kah chhuah avangin tualchhung mi pakhat a boral thu tualchhung miten Yangon Khit Thit Media an hrilh a.
“Military council sipaiten June 25 tuk khan TaSi khuaah an lut a, chenna in 4 an hal a, khawchhungah June 10-25 thleng khan Laipuiin vawi 50 chuang an bomb tawh” tiin tualchhung mi pakhat chuan a sawi a.
Military council sipaiten June 25, chawhnu dar 12:6 vel khan khawchhungah Laipui vawi 8 vel an kah chhuahnaah tualchhung mi pakhat a boral thu tualchhung miten an sawi a.
“June 25 khan TaSi khaw chhuah lamah bomb a tlak avangin pa pakhat a boral a. Heng bakah hian Military council sipaiten Maha Aung Buddhist school, TaungPhiLa hmun leh GTC bakah Gtae thenkhatah laipuiin an kap bawk” tiin tualchhung miten an sawi a ni.
