[9:37 pm, 05/05/2022] Jsangtea: Sagaing Region, Kalaymyo township chhim lam, Sharrpho (Sia Phu) khaw kiangah May 2,3, ni 2 chhung inkahna Military Council lam mi 20 aia tlem lo an thih thu hriat a ni.
Military Council-te hian May 2, tuk atang khan Sharrpho khua an bei nasa hle a. May 3, tlai lam thleng khan PDf(Kalay), CDF(KKG), RKDF, Mipui sipaite leh Zomi PDF tangkawp te nen an inkap nasa hle.
PDF-Kalay thupuangtu Victor chuan “May 2-a Shiaphu leh Aungmingalar (Awng Min Ga lar) khaw inkara inkahna chu a nasa khawp mai. Nimin piah pawh khan Kalaymyo atangin Helicopter 3-in tum 2 an rawn kap a, tum hmasa ai chuan a ziaawm deuh” tiin a sawi.
May 3-a inkahnaah Military Council ten Helicopter 2-in Sharrpho (Sia Phu) khuaah tum 2 an beih thu hriat a ni.
He inkahnaah hian CDF-KKG sipai 1, ralthuam lianin a hliam a, ngaihtuah ngai a awm loh thu hriat a ni.He inkahnaah hian CDF tangkawp ten RPG 2, MA2 Khawl 2, MA silai mu bawm 10, 5,56 silai mi tlawn 150, Rahchilh Bomb 1, Vawm Bomb 1 leh Phone 2 an laksak a. Military Council ten Bomb 3 pai, Drone pakhat an kah chhuah kahthlak a nih thu hriat a ni.
Military Council ten ralthuam liana an beihna Sharrpho khuaah hian tualchhung mi 2 an boral a, hmeichhe 1 a hliam thu hriat a ni.
