Sagaing region, Kalaymyo township. Taung Za Lat Ward, Tuikhuah (Irrigation) office leh Forest office inkarah February 5, zing dar 11:00 khan bomb a puak a, Military council sipai 3 an thi a, tualchhung mi pakhat a hliam thu hriat a ni.
Kalaymyo-a tualchhung mi pakhat chuan “Zing atangin Military council sipai te an awm tan tawh a. Dar 11:00 velah bomb a puak a, nu pakhat a keah leh a awmah a hliam bawk. Ral khat atanga hmuh a nih avangin an dinhmun kan hre chiah lo. Tunah rih chuan Tuikhuah office kawngah Motor ke Tyer-in an dang vek” tiin a sawi.
Kalaymyo, Taung Za Lat Ward, Tuikhuah office leh Forest office-a buk khuar, Military council te awmnaah line-mine-a kam sa anga an tihpuah thu Kalaymyo, khawpui duangtu UG pawl ten an thuchhuahah an tarlang.
He bomb kam a puah avangin Military council sipai 3 an thih bakah mi 2 na tak an hliam thu an tarlang bawk.
February 3, zan dar 8:00 velah pawh khan Kalaymyo, Taung Za Lat Ward, Tuikhuah office bulah tui phur motor pakhat an hal tawh a.
Kalaymyo township. Taung Za Lat Ward, Tuikhuah office leh Forest office kiang velah tun hnai lawk khan bomb puak leh inkahna an awm fova, February 6 tuk khan Military council sipai ten mipuite an check nasa hle a ni.
