Sagaing region, Kalaymyo, Tayakong hmar lama awm University of Technology bulah August ni 2 zing lam khan military council sipaite leh tualchhung PDF tangrual pawlte an inkap a, sipai lam an nat zawk thu hriat a ni.
Zing lam dar 6:30 vel atanga chawhnu lam dar 2 thleng an inkap a, chu inkahnaah chuan sipai lamah 7 aia tlem lo an thih thu leh bomb puak avanga inhliam an awm nual thu Vakok-CNDF pawl chuan an sawi a.
Vakok-CNDF hruaitu pakhat chuan, “Keimahni ram leh kan hriat chianna hmun a nia, kan dinhmun a tha zawk a. School atanga an rawn chhuak chu ko pang rinchhanin kan lo kap a, thi an tam ta a ni. Kan tawlhsawn hnu darkar 2 vel thleng chu ruang an khawm lo. Tunlai chu inkahna a chhuak deuh zauh zauh a, kan mamawh ber chu silaimu a ni,” tiin a sawi.
Chu inkahnaah chuan VAKOK (CNDF )၊ KKG(CDF)၊ Kalay PDF ၊ Village PDF leh RKDF pawlte an tel a.
Boruak a tangin, inkap leh thei reng dinhmuna an awm avangin, mipui lam chu Kalaymyo chhunga veivahna kawngah fimkhur tur leh chhim lama kal lo turin tualchhung PDF ten an ngen bawk a ni.
