Sagaing region, Kanbalu township south east zarah Military council sipai ten February 16-18 thleng, ni 3 chhung khan khawchhung then fai hna an thawhnaah khaw 22-a tualchhung mi sing hnih (20000) chuang in leh lo an tlansan thu tualchhung mi te hnen atanga hriat a ni.
Heng khaw 22-ah hian chhungkua 4775-a mi 23875 an tlanchhiat thu tualchhung mi pakhat chuan a sawi.
Military council sipaite an rawn luh apiangin kan tlanchhe thin tiin Meti khuaa tualchhung mi pakhat chuan RFA Media a hrilh.
“Tunah rih chuan ni 10 danah kan tlanchhe thin a, mipui ten harsatna an kan tawk nasa khawp mai” tiin a sawi.
February 18, chawhnu vel khan Military council sipai operation te an kir leh avangin tualchhung mi thenkhat te an chenna inah an kir leh hlawm thu a sawi zui bawk.
Tualchhung mipui te an tlanchhiat chungchangah Sagaing region Military council thupuangtu U Ate Hlaing, RFA Media-in an phone-naah chhanna a la awm rih lo a ni.
UN chhawmdawltu pawl UNO CHA ten an chhinchhiah dan chuan Sagaing region-ah in leh lo tlansan mi mangang, raltlan mi nuairuk singnga (650000) chuang an awm tawh tiin an sawi.
