Sagaing region, Kanbalu township-a raltlan zinga mi 11 te chu rulin a chu a, an zinga mi pakhat a boral thu Kyunhla (Chun Hlah)-Kanbalu khuaa tlawmngai pawl te hnen atanga hriat a ni a.
July thla chhung khan Kanbalu township, circuit hmun 6-a raltlan zinga mi 11 te chu rulin a chu hlawm a, an zinga kum 50 mi, ZachetTin circuit-a awm Pu Sein Choe chu a boral thu hriat a ni a.
Pu Sein Choe hi inenkawlna hmun an thlenin BPI rul chuk damdawi mum 17 an eitir a, India rul chuk damdawi vawi 23 an chiu hnuah an boral ta tho a ni. Rul chuk dang te pawh an dinhmun a that vak loh thu hriat a ni bawk.
Military council-ten Kanbalu khawpui an hal chiam avangin, tualchhung mipui te an raltlan nual a, hnathawk thei lo leh ei in an harsat laiin ruk chukna lakah harsatna an tawk mek a. Rul chuk tuarten sum an neih loh avangin Clinic an pan thei lova, heng avangin nunna chan an awm zel a ni.
Ruk chuk tuar te hi Kyunhla-Kanbalu khawpuia mipui tlawmngai pawlten ruk chuk damdawi hmangin enkawl thin mah se, an indaih thei lova; Military council sipaiten khawchhungah a vei reng avangin inenkawlna kawngah fimkhur a tul thu hriat a ni bawk.
