Sagaing region, Kanbalu township, InnMa khua leh MiTaLin Kone khuaa raltlan mi 60 chuang te chu July 4,5 khan Military council sipaiten an man thu KyuHla (Chun Hlah) khuaa active pawlten an thuchhuahah an tar lang a.
Tualchhung mipuite, ramhnuaia an tlanchhiat laiin Military council sipaiten an man thu thuneitu pakhat chuan RFA Media a hrilh a.
“July 4 khan Military council sipaiten InnMa khuaa raltlan, Lova hnathawk mi 12 an man a, July 5 pawh khan KoTaungBuh khua atanga feh chhuak Military council sipaite chuan MiTaLin Kone khuaa tualchhung mi 50 chuang an man a”
An man zinga naupang leh hmeichhia 7 te chu a tukah an chhuah leh nghal a, mipa 5 te pawh an dawpnaah mi pakhat an sawisak hlum thu hriat a ni bawk.
KyuHla khuaa active pawlten an chhinchhiah dan chuan KyuHla District-ah hian raltlan mi 30000 chuang an awm niin an tar lang a. Military council sipaiten hian khawchhungah luhchilhin chenna in an hal bakah a mi man te a sawisak nek thu active pawlten an sawi bawk a ni.
Political prison (AAPP) ten an record dan chuan Military council-ten thuneihna an lak hnu hian Military council sipaiten mi 3700 chuang an that tawh a, mi 2300 chuang an man tawh thu an tar lang bawk a ni.
