Sagaing region, Kanbalu township ,Nyaung Zin Gyi (Niaung Zin Chi) khuaa rualbanlo mi pakhat Military council sipai ten an hal hlum thu Kyun Hla (Chun Hlah) khuaa thuneitu pakhat chuan Yangon Khit Thit Media a hrilh a ni.
March 23 chawhnu dar 4:30 vel khan Kanbalu township, Nyaung Zin Gyi khuaah Military council sipai leh Phusawhti 150 rual ten an luhchilh hnuah chenna in an hal nasa hle a. Hemi hnu hian Nyaung Zin Gyi khuaa buddhist puithiam pakhat an man a, kum 20 mi rualbanlo mipa pakhat an hal hlum thu hriat a ni.
Military council sipai ten an beih nasat avangin khaw 7-a tualchhung mi 10000 chuang in leh lo an tlansan nual thu hriat a ni.
“Khawchhunga chenna in an hal zat leh hloh zat hriat theih a la ni lova, rualbanlo mi pakhat an hal hlum a, khaw 7-a tualchhung mipui 10000 chuang an tlanchhia” tiin Kyun Hla khuaa active member te leh thunneitu mi pakhat ten an sawi a ni.
March 22 pawh khan Military council sipai ten Ba Su Poh khua an luhchilh leh a, khawchhunga Buddhist school-a tlan chhuak ve thei lo kum upa te hnen atangin Phone, Kyats nuai 8 leh bengbeh te chema vauin an chhuhsak a, Bike leh Bawng 40 chuang an ruksak thu hriat a ni.
Military council sipai ten an hal hlum leh chenna in an hal hnu hian Nayng Zin Gyi khuaa Phyusawhthi camp-ah an kir leh thu hriat a ni.