Sagaing region, Kanbalu township huam chhungah Military council sipaiten tualchhung mi 10 inven nan an hmang a, khaw 12 an hal avangin tualchhung mipui 10000 chuang in leh lo an tlansan thu Kyun Hla (Chun Hlah) khuaa thuneitu pakhat chuan Yangon Khit Thit Media a hrilh a ni.
April 19 atang khan Military council sipaiten Khah Mah Yah (IB) 261 leh Division 88 hnuaia Battalion ten chung lam Thlawhnain an bomb hnuah PaZinGyi khua an luh chilh leh a, Kanbalu township huam chhungah operation pawl 2 ten an luh chilh thu hriat a ni bawk.
April 27 chawhnu 3:30 vel khan Kanbalu township Male circuit huam chhung Sakyin (Sa Chin) khuaah Military council sipaiten ralthuam lian kengin an luh chilh hnuah tualchhung mi 10 manin inven nan an hmang a, operation-na hmunah an hruai zel thu hriat a ni.
“Tuna operation te hian TaYawKaing khua an thlen hnuah an hal niin kan hria a, tualchhung mi 10-te inven nana an man an la chhuah rih lova; khaw dang pawh an tlanchhe nual” tiin Kyun Hla (Chun Hlah) khuaa thuneitu pakhat chuan Yangon Khit Thit Media hnenah a sawi a.
Hetia Military council sipaiten khaw hrang hrang an luh chilh avangin tualchhung mipui 10000 chuang in leh lo an tlansan nual thu hriat a ni bawk.
