Sagaing region, Kanbalu khawpui Pazingyi (Pa Zin Chi) khuaah April 11 tuk khan Military council sipai ten Thlawhna hmangin an bomb a, tualchhung mipui 100 chuang an boral zingah zirlai naupang 30 chuang an tel thu tlawmngai pawl ten Yangon Khit Thit Media a hrilh a.
“Lapyiwai (Lah Pi Waing) Hall-ah ruang kan dah khawm a, khawlal leh venglal hruaitute 50 aia tlem lo an awm rin a ni. Kang bang a la darh nuai avangin a zat chiah kan la hre thei lo. Hall kawtaah function an neih lai, Pandal (Mandat) hmun 17 velah ruai an buatsaih a. Heng hunlai tak hian bomb an thlak thut a, zirlai chaw ei tur kal lai 30 chuang pawh an boral. fatute leh chaw ei tur te mi 90 chuang an tel bawk. a darh vek a, hmuh tur pawh an awm lo” tiin a sawi zui bawk a ni.
“Military council sipai ten Mi 35 Thlawhna hmangin an bomb a, mi 50 chuang an boral a. Jet Fighter-a an bomb-naah an darh vek, hmuh tur an awm mang lo. A bomb-na hmun atanga feet 70 vela hlaah kut bung ke bung, sam leh taksa peng hrang hrang te an awm nuai mai” tiin tlawmngai pawl hnen atanga hriat a ni.
An beih lai hian Ni a sa hle a, Military council sipai ten April 11, chawhnu 5:35 atangin 5:40 thleng khan Jet Fighter-in vawi 3 a bomb nawn leh avangin ruang bawihsawm hna an thawk lawk thei lo a ni.
“Ni a sa bawk si a, khawchhunga mi te an boral tam bawk sia hma latu an awm vak lo. A theih ang angin ruang kan khawm a, Ruang bawihsawm thei lo turin vawi 4 zet min bomb zui reng bawk” tiin tlawmngai pawl ten an sawi.
He chanchin ziahlai hian ruang an khawm meka an la vui lova, hliam leh chhiat tawk te an la buaipui mek thu hriat a ni bawk.
