Sagaing region, Kani township-ah tun chawlhkar khat chhunga inbeihnaah Military council sipai thi leh hliam an awm nual thu PDF pawl zinga thuneitu pakhat chuan Yangon Khit Thit Media a hrilh a.
He an inbeihnaah hian Military council sipaiten Jet Fighter-a an bomb-naah Cluster hmangin a puak chhawng leh thu hriat a ni a.
Kani township-ah hian May 17 tuk atang khan Military council sipaite leh PDF te an inkap a. Chawhnu dar 2:36 atang khan ChaungMa khua leh MinMa khua TaDaOo airport atanga chhuak Jet Fighter 2-in tum 2 an bomb thu hriat a ni a.
“May 17 tuk atangin an inkap a, chawlhkar khat chhungin Military council sipa 80 chuang an thi tawh a. Military council sipaiten Cluster an tih bomb puak chhawng an hmang a. May 17 chawhnu khan ChaungMa khua leh MinMa khuaah Thlawhnain an bomb” tiin PDF sipai pakhat chuan a sawi a.
Military council sipaiten May 11 atangin Kani township-ah chawlhkar khat chhung an luh chilhnaah Military council sipai Captian pakhat telin Military council sipai 80 aia tlem lo an thi a, PDF sipai 3, ram tan an nunna an hlan thu hriat a ni bawk.
