Kayin State, Kawkareik township, Kyondoe (Chong Du) khaw kianga inkahnaah Military council sipai 40 aia tam an thi a, tualchhung in an hal chhiat nual thu Lion Battalion Commando ten an thuchhuahah an tarlang.
KTL Army-a commander stragist Major Al Sayew huaihawtnain Lion Battalion Commando te leh mi dang pawl tangrual ten Military council sipaite an beia an inkah nasat thu hriat a ni.
Military council sipai ten khawmual bakah chung lam atang Mi 35 Jet Fighter hmangin an bei a. A hma ni 3 atanga an beih tawhna nen Military council sipai 40 aia tam an thih tawh thu hriat a ni bawk.
January 20 atang khan Kayin State, Kawkareik township, Kyondoe khaw kiang Kan Ni khua, Mi Ka Lon khua, Kawbeing khua leh a chhehvelah Military council sipai ten ralthuam lian an chelek nasa hle a, chenna in an kan nasat avangin tualchhung mi te an tlanchhiat nual thu hriat a ni.