Sagaing region, Khin U township-a khaw 3-ah kum 2013, January 16 khan Military council sipai ten an luh chilh avangin tualchhung mi 7000 chuang an tlan chhiat thu, tlan chhete zinga mi ten an sawi.
January 16, zing dar 8:30 vel khan Ye U township-a Military council sipai 150 rual ten Pyin Thong (Pin Thong) khua atangin Phyusawhti pawl ten Myindong (Min Dong) khua, Tayet Pin Suh khua leh Magyikone (Ma Chi Kong) khua te hualin an luh chilh thu tualchhung mi pakhat chuan RFA Media a hrilh.
“Heng, khaw 3 hualin an luh chilh a, Pyin Thong khua atangin Phyusawhti pawl ten Magyikone khua an hual a. A hnuah Tayetpin Suh khaw hmar lamah an hual avangin kan tlan chhuak nual” tiin a sawi.
Military council sipai te an luh avangin Myindong khua tualchhung mi 2600, Magyikone khuaa mi 1500, Tayetpin khuaa mi 1500 bakah a chhehvel khuaa mi 1000 leh Kar Seih khuaa mi 1000 vel an tlan chhuah thu an sawi.
Indaing khuaa tualchhung mi pakhat biru, ralthuamin a fuh avangin a hliam thu tualchhung mi ten an sawi.
January 16 chhun khan chenna in an hal loh thu tualchhung mi ten an sawi bawk.
He inbeihna chungchangah hian Military council sipai ten thuchhuah eng mah an neih loh angin Sagaing region Military council thupuangtu U Aye Hlaing pawhin eng mah an sawi loh thu RFA ten an sawi’
