Sagaing region, Khin U township, Mya Kan khuaah Military council sipai ten chenna in an hal avangin tualchhung mi 1000 chuang an tlanchhiat chu information-a thuneitu pakhat chuan Yangon Khit Thit Media a hrilh a ni.
March 23, zing dar 7:30 vel khan Khin U township, ni tlakna lam zar Inn Pat Bazara innghat Military council sipai leh Phyusawhti te buk khuar mi 40 ten Inn Pat khuaa Rel station chhehvel, mi veivak an kap nasa hle a. zing dar 8:20 velah Mya Kan khua luhchilh lehin chenna in an hal chiam thu hriat a ni.
Heng bakah hian Ye U khuaa Tradition Medical damdawi in, ralthuam lianin vawi 6 zet an kap a. Khin U khua ni tlakna lamnah an kah chhunzawm leh avangin Mya Kan khua, Inn Pat khua leh Kone Ta khuaa tualchhung mi 1000 chuang in leh lo an tlansan thu hriat a ni.
“Military council sipai ten kawnga mipui veivak an kap chiam hnuah Mya Kan khuaa chenna in an hal a. Ye U khuaa tradition medical damdawi in, ralthuam liana an kah chiam avangin Khaw 3-a tualchhung mi 1000 chuang in leh lo an tlansan” tiin Khin U township information-a thuneitu pakhat chuan a sawi a ni.
