Karen National Union (KNU) ten a tum 17-na conference an neihnaah hruaitu thar Chairman telin mi 6 an thlan thar thu hriat a ni a.
May 2 khan KNU Chairman atan Padoh Saw Kwe Htoo Win thlan thar a ni a. May 3 khan Vice Chairman atan Padoh Saw Se Ke, General secretary atan Padoh Saw Tar Tu Mu, Secretary 1-ah Pagoh Saw Taw Ti Pwe, Journal Secretary 2-ah Padoh Saw Hla Tun leh Chief Justice atan Padoh Naw Myaing Phu te an thlan thar thu inthlannaa tel hming thup pakhat chuan a sawi a.
He inthlannaah hian Brigade 7-a thuneitu te leh central committee member te bakah mi pawimawh 100 chuang an tel thei a. Central committee member mi 45 thlan a nih hnuah Chairman telin hruaitu thar mi 6 an thlang a ni.
KNU conference hi kum 4 danah vawi khat neih thin a ni a, Covid-19 hri leng vang leh Military council-ten thuneihna a lak avang khan kum 3 chhung chawlhsan a hnuah kumin April 24 atang khan neih tan leh a ni.
He inthlannaah hian Brigade 2,5-a palaiten online hmangin an tel ve a, vote an thlak ve lo thung a ni. Chanchin kimchang zawk hriat a nih theih nan RFA Media ten Brigade 5-a an thupuangtu an ngaichang mek a ni.
