June 2-6 thleng khan KoKant hmunah Military council sipaite leh Kokant pawl (MNDAA) te an inbeih nasat thu MNDAA-ten an thuchhuahah an tar lang a.
June 6 tuk khan MNDAA Brigade 511 chu Military council sipaiten an kah hmasakna atangin inbeihna hi a chhuah thu an sawi a.
Ni 4 chhung a zawna an inbeihnaah hian Military council sipai 20 chuang an thi a, MNDAA lamah sipai pakhat a boral thu MNDAA-ten an thuchhuahah an tar lang a.
Military council lam erawh chuan thuchhuah eng mah an la nei tichhuak lova.
Northern Alliances pawl 3 infin AA, TNLA, KoKant (MNDAA) pawl leh Military council sipaite inkarah inremna thu a awm tawh loh hnuah Military council sipaiten MNDAA camp an bei leh ta a ni.
Ni 4 chhung inbeihnah hian MNDAA-ten ralthuam tam tak an laksak thu MNDAA-te an sawi a.
Military council sipaiten camp an beih hnu hian khawchhung kawng an khar nual thu MNDAA-ten an thuchhuahah an tar lang bawk a ni.
