NUG hnuaia Home Minister U Lwin Ko Lat chuan kum khat chhunga military council sipai 37 zet phil hlumtu Sniper Pho Lone chu chawimawina hlan a nih tur thu a sawi.
Sniper Pho Lone chu mipui venghimtu pawl southern battalion 3502 division 1-a awm a ni a.
Home Minister U Lwin Ko Lat chuan, “Military council frontline camp 6-a sipai 37 te chu tanpuitu pakhat hmangin kum 1 chhungin sinper-in a kap hlum a. Sniper tan ramhnuaiah ruah leh ni sa do dai a, dawhthei taka hmelma campa sipaite hank ah chu hun a duh viau ang tih sniper dangten an hre chiang leh zual ang. Sipai Pho Lone hi kan chhuang tak zet a ni,” tiin a social page-ah a ziak lang a ni.
Chutih rualin Ethnic pawl lam atang pawhin lawmman pek tum an awm thu U Lwin Ko Lat chuan a sawi bawk a.
Ani chuan, “Ni khat chu brigade-a awm thuneitu pakhat chuan Pho Lone-a record min pe chhuak rawh a rawn ti a. Engvangin nge kan pek chhuah ngawt ang che u, kan tih chuan, ani chuan ERO lamin ani chu chawimawina pek an tum a, keini pawhin mahni sipai han chawimawi loh chu a tha lo a ni, tiin a sawi” tiin a ziak lang bawk a.
Chutiang bawkin Sniper member dangte pawhin Pho Lone-a theih ang an theih a rin thu leh, Urban, rural lama indona mualah mahni mawhphurna hlenna an theihnate an lantir vek a rin thu a sawi rualin, Pho Lone chu eng lawmman nge pe ila, tha ang, tiin a thuziak a hnutchhiah bawk a ni.
