Mipui venghimtu pawlin thla 11 chhungin military council sipai 13000 chuang kap hlumin, 42800 vel an hliam tawh bawk thu NUG sorkar Defense Ministry chuan thuchhuah an siam a.
Chu thuchhuah chu nikum 2021, June ni 1 atanga kumin 2022 April ni 25 thlenga chanchin lakkhawm atganga
Myanmar ramah sipai thuneihna an lak atanga kum khat chhungin ram chhung sumdawnna, nunphung leh hriselna khawng hrang hrang chu a tla hniam zel a ni.
National Unity Government (NUG) hnuaia Defense Minister U Raymond chuan PDF te tan ralthuam siam chhuahna khawl, mamawh phuhhrukna chu neih a ni tawh a, Ministry lamin vawiin thlengin US dollar maktaduai 34 thleng a hmang tawh a, Defense Ministery-in a hman theih zat zaa 85 chu ralthuam atan a hmang ral tawh bawk a ni tiin a sawi.
NUG sorkar din nih atanga kum khat chhungin mipui sipai, venghimtu pawl battalion 257 din a ni tawh a, veng chhung leh khua (village defense force) te pawh township 250-ah mumal taka din a nih tawh thu a sawi tel bawk a.
Chutih rualin khawpui lama che tla, Urban Guerilla pawl 400 chuang nen pawh NUG sorkar chu awmze nei taka an thawh dun zel thu NUG chuan a thuchhuahah a tarlang a ni.
