Spring Lottery hi nimin August 15 khan a kum 1, tlinna a ni a, he mi chhung hian CDM pasaltha mi 10000 chuang hnenah chhawmdawlna sum an pek tawh thu an thuchhuahah an tar lang.
He Spring Lottery hi kum 1 chhunga a thil tawnna atangin tun aia a changtlung zawk nan tiin NUGPay leh kalphung thara zawrh leh a nih dawn thu an sawi.
Ram hrang hranga Spring Lottery Agent ten an zawrh dan, bulk purchase kalhmangin zawrh chhunzawm zel a ni ang a, tlawmngai taka leitu zawng zawngte hnenah an lawmthu, an tar lang bawk.
Myanmar-a a hmasa ber Blockchain kal tlanga Digital kalhmang, Digital Myanmar Kyat (GMMK) chu NUG chuan mipuite hnenah a tlangzarh tawh a. NUG, Minsitry of Finance and investment te huaihawtnain DMMK hi official tangka atan blockchain kalhmanga hman a nih dawn thu a sawi a.
Tunah rih chuan PGUPay kalhmangin ram chhungah leh ram pawna Myanmar mite awm tamna Thai, Singapore, South Korea, Australia, UK, US leh Europe-ah te an hmang thei ang a, hma lak zel a nih dawn thu NUG sorkar chuan a sawi bawk a ni.
Spring Lottery hi NUG, Project, Ministry of Finance and Investment chuan kum 2021, August 15, khan a zuar tan a. An hralh chhuah sum atanga 70% hi CDM tan hman a ni ang a, a dang 30% chu Lottery mantute tan pek a nih dawn thu a tar lang a.
Nimin lawka Spring Lottery hawn taka a mantute zinga a tam zawk te hian Military Council laka muanna a nih theih nan leh Federal Democracy Union a nih theih nan sum an pe kir leh a. Military Council-te hian Spring Lottery leh a kaihhnawih thila a leitute leh a phusa thinte chu mana lung in, khung turin an vau thin thu, an thuchhuahah an tar lang.
Heng bakah hian Myanmar mipui ten an nawrh avanga an lei duh loh, Aungbali Hti (Awngbali Lottery) chu Military Council ten Online kaltlanga an ruahman pawh chu vawiin thlengin an la puitlin rih lo.
