Kum rei lo teah Russia puihnain Nuclear hmanga Kawlphetha pek chhuahna te chi deuh bun fel a nih thuai dawn thu Military Council thupuangtu Major General Zaw Min Tun chuan nimina Press conference, an neihnaah a sawi.
Nuclear Energy hi mipuite kawng kawhhmuh a, thawhhona hmunpui pawh Yangon khawpuiah nghah an beisei thu a sawi tel bawk.
Amaherawhchu, Nuclear Kawlphetha khawlpui buna hmun erawh a sawi tel lo.
“Nuclear Energy hi zalen takin kan hmang thei dawn a ni” tiin General Zaw Min Tun-a’n a sawi laiin Military Council ten Nuclear Energy a thlen tur chungchangah ram chhung leh pawna mi ten an nghak mek.
Nuclear Energy chungchangah mipui tana hman a nih theihna turin July thla khan Myanmar leh Russia ten rem tihna hming an Sign tawh bawk.
Sr. General Min Aung Hlaing-a’n September thlaa Russia a zin tum khan Nuclear leh Energy lam thawhho tur, hming a Sign hnua an hmalak tanna a ni.
Kawlphetha pek chhuahna tur Nuclear bun tan nan hian Russia, Rosatom Nuclear Company leh Myanmar Military Council ten September 6 khan rem tihna hming an Sign tawh bawk.
