Pago region, Kyaukkyi township, khaw 15-ah Military council sipai ten an luhchilh avangin tualchhung mipui Nuai khat (100000) chuang an tlanchhiat thu tualchhung mipui ten Yangon Khit Thit Media hnenaah a sawi a ni.
February 24 atang khan Military council sipai ten Kyuakkyi township-a Ngyaun Pin Ta Khua, Taw Puh khua, Ta Laing Eaing khua, Yauh Ta Wa khua, Me Pha Lan khua leh Sin Seih khua telin khaw 15 an luhchilh a, tualchhung mi nuai khat (100000) chuang an tlanchhiat tawh thu hriat a ni.
“February 24 atangin Mong township-ah Military council sipai ten an luhchilh avangin khaw 15-a tualchhung mipui nuai khat chuang an tlanchhe tawh a. Ngyaung Pin Ta khuaah in 1200 chuang leh mihring 5000 chuang an awm a, in 5 vel an hal tawh niin kan hria a, a zat chiah kan hre thei lo. Military council sipai ten zirna school-ah buk an khuar mek” tiin tualchhung mi pakhat chuan a sawi a ni.
Tunah rih hian Military council sipai te hian Ngyang Pin Ta khuaa zirna school-ah leh a chhehvelah buk an khuar mek thu hriat a ni bawk.
