All India Radio News Aizawlin a tar lam danin India, north east Manipur State-ah security force-ten Kuki hel pawla mi nia rinhlelh mi 40 vel an kap hlum a, civil mi 7 leh police pahnih an thi bawk a. May 28 khan Security force te leh Kuki hel pawl nia rinhlelhte hi Sugnu assembly bial chhung hmun pakhatah an inkap a, chenna in 250 chuang an hal nia hriat a ni bawk.
Chief Minister N Biren Singh-a chuan inbeihna thlen chungchangah a dem nasat hle thu a sawi a. Sipai leh paramillitary force tangrualten helho lakah hian beihpui an thlak mek tih a sawi zui bawk a.
Valley district-ah chuan mipui thinrimin Uripok bialtu MLA chenna in an hal a. MLA fapa hian silai a hmeh puah avanga mipui hi thinrim nia thu dawn a ni a. Hei bakah hian MLA dang pahnih chenna in pawh an hal bawk thu hriat a ni.
Valley district-ah te hian curfew puan chhunzawm a ni a. Ven himna pawh khauh lehzuala kalpui mek a nih thu hriat a ni bawk.
