India, Manipur State huam chhunga Myanmar raltlante, rei lo teah raltlan card an siamsak dawn thu tualchhung media atanga hriat a nih thu hriat a ni.
Hman ni lawk atang khan Moreh township-a an man Myanmar mi raltlan mi 84 leh an chhungkua te kaihhnawih te telin PM Pu Let Pao Haokip leh Manipur State CM ten an sawihona angin tuna atanga rei lo teah zalen taka awm phalna an siamsak dawn thu hriat a ni.
Myanmar Military council te hlauhna avangin Moreh township chhehvelah Myanmar raltlante an tam tawh hle a, hman ni lawk atang khan harsatna an tawh avangin Myanmar atanga raltlan mi 84 Sajiwa lung inah an khung tawh a ni.
Manipur sorkar ten Myanmar mi raltlan chungchunga hremna tur an ngaihtuahna turah Tingnoupal District Representative, TD Minister leh U Lepao Hongki te inhmu khawmin hrem an nih dawh loh thu an sawi zawk a ni.
Myanmar atanga raltlante tun atangin Mizoram sorkarin an dawnsawn angin Manipur sorkar pawhin Refugee Indentity Card an pe chhuak dawn a, Myanmar ramin remna an neih hma loh zawng an enkawl dawn tur thu an News chuan a tarlang a ni.
