July 11 tuk khan Matupi township kianga Saunghtiya (Saung Thi Ya) khua leh LunLong khuaah Military Council te leh tualchhung PDF te an inkap a, Military Council lam mi 4 an thi a, mi 2 aia tlem lo an hliam thu hriat a ni.
July 6 atang khan Lailenpi atanga Matupi khawpui pan,a, kea kal mek Military Council te leh CDF-Matupi te, tum 4 an inkap a, Military Council mi 11 an thi a, 10 aia tlem lo an hliam thu CDF-Matupi te, thuchhuah atanga hriat a ni.
“An inkahna hi SaungHtiya khua atanga mel khat vela hla Saunghtiya leh LongHum inkar a ni a, Keini lam chu thi leh hliam kan awm lova, anni Military Council lam erawh thi an awm nual” tiin Mizorama raltlan zinga Saunghtiya tualchhung mi pakhat chuan a sawi a.
Tun hnaia inkahnaah hian Military Council te leh CDF-Matupi, CDF-Zotung leh CNA tangrual te nen an inbeih thu hriat a ni.
