Chin State, Mindat township, circuit No. 1, Ong khuaah January 31, chawhnu dawr 3:45 vel khan Military council sipai ten ralthuam lian an kah chhuah avangin naupang 3 leh nu pakhat an hliam thu hriat a ni.
Mindat khawpuia awm Khah Lah Yah (LB) 274 battalion ten an kah avangin Ong khuaa Clinic kiangah vawi 3 bomb a tla a, kum 14 mi hnuai lam hmeichhe naupang 3 leh kum 42 mi nitling pakhat an hliam thu Mindat township, public adminitration ten January 31 khan an thuchhhuahah an tarlang.
Military council sipai ten ralthuam lian an chelek avangin kum 42 mi nutling pakhat a ding lam malah a hliam a, kum 14 mi hmeichhe pakhat banah an kap hliam a, kum 12 mi hmeichhe tleirawl pakhat a ban ding lamah an kah hliam bawk thu Mindat township public adminitration ten an sawi.
Heng bakah hian khawchhunga clinic. Jeep motor pakhat leh chenna in pakhat an bomb chhe bawk a ni.
Military council ten Mindat township-ah ni tin Thlawhnain an vei reng a. Chawlhkar liam taah pawh khan vawi 3 zet zanlaiah Thlawhnain an bomb tawh bawk a ni.
