Sagaing region, Homalin township, Swe Pyi Aye (Sui Pi Ii) khawthar bula inbeihnaah Military council Helicopter pakhat Homalin PDF tangrual ten an kah thlak thu NUG Defence Minister ten Febuary 3 khan an thuchhuahah an tarlang.
February 1 khan Swe Pyi Aye khawthar-a innghat, PDF tangrual pawl, Homalin District Battalion 1, HPDF-124,HPDF Thunder leh tangrual pawl ten Military council Helicopter pakhat an kah thlak thu an tarlang.
February 3 khan Helicopter kah thlak chian a nih thu HPDF-124 ten RFA Media a hrilh a.
An kah thlak Helicopter hi eng ang chi nge a nih Internet leh Phone signal a that loh avangin RFA Media ten an la zawt thei rih lo a ni.
He inbeihnaah hian Military council leh Phyusawhti mi 20 vel an thi a, PDF lam mi 2 an boral thu NUG sorkar chuan a tarlang a. RFA Media chuan Miltary council leh Phyusawhti thi zat hi nemnghehna chiah an la nei lo a ni.
Homalin inbeihna leh Military council Helicopter kah thlak chungchangah Sagaing region Military council thupuangtu U Aye Hlaing, RFA Media-in an phone-naah chhanna a awm rih lo.
