Yangon Guerilla pawl pakhat, The Boys Army chuan Yangon khawpui chhungah sipai te nen inhlat taka awm tur leh mahni thil ni lo, khaw laia awm khawih leh ngaihven buaipui lo turin thuchhuah an siam a.
April ni 18 chawhma lam dar 11 pelh khan chung The Boys Army chuan Yangon khaw chhunga
Takhitah township electric department office bulah bomb an kham a, mahse chu an bomb kam bulah mipui, civil mi veivak an tamin, an bomb kamna thil chu bomb tih hre lovin, an khawih chhin a, an en kual vel vak vak avangin, an mission chu cancel leh a nih thu an sawi a ni.
Chu an bomb kamna thilah ‘A hlauhawm hnaih suh!’ tih tarin bomb kam hnan mah se, mipui lamin hre thiam lovin, an en kual a, an khawih chhin vel avangin, a tawpa tihthaih nana an tih puah rikngawt thu pawh hriat a ni a.
The Boys Army zinga pakhat chuan, “Takhitah bomb kham chu engmah hre lo, a tel lo tur hovin an lo khawih kual a. Lehkha pawh kan tar ve thlap a. Taxi driver pakhat phei chu ding meuhin a rawn en kual vek dun dun a. A tum dan tak chuan chu kan bomb kamna bawm chu mi awm loh laia a taxi-a phur daih a tum a nih hmel zawk. Kan lo inpuahchahna zawng zawng chu a lo thlawnin a awm a. A tawpah mipui tihthaih nan chauh kan tipuak ta ringawt a ni,” tiin a sawi.
Chuvangin, The Boys Army pawl chuan mipuite chu mahni thil ni lo leh hriat loh chu khawih leh ngaihven tawh lo turin hriattirna an chhuah ta ringawt a ni.
