Special Investigative department thu putchhuak avangin, home department-a thawk staff pahnih chu dawhfawh han thawk, report pe thina puhin sipaiten an man
Nayipyidaw, Home department, hnuaia special investigative department atanga thu put chhuak avangin home department-a thawk staff 2 chu dawnfawh hna thawk, tia puhin sipaiten an man thu hriat a ni.
Special investigative department chu state counselor Daw Aung San Suu Kyi, President U Win Myint telin NLD sorkar hruaitu lawkte thubuai chi hrang hrang siamsak a, harsatna siamtu tia thu vawrh darh a nih chungchangah chuta thawk junior officer 1 leh police pakhat chu man an ni a.
“Dawnfawh tia rinhleh leh puh mi 2 chu man an ni tawh. Pakhat chu Police officer (pension tawh) leh ziak mi, a fapa pawh investigative officer ni bawk a ni a. Pakhat chu Red Cross director makpa, police sergeant (passport department) a ni. An phone laksak a nih thu, a hmuten an sawi a ni,” tiin Home department lama source pakhatin a sawi.
Special investigative department, police department, Home department hnuaia awm department hrang hrangah chanchin (thuruk) put chhuak lo tura an beih nasat thu hriat a ni a.
June thla pawh khan Magui region sorkar secretary deputy director, Win Shane chu Khit Thit media hnena chanchin thar a pek avang tiin sipai lamin an man a, ram chhung thuruk puangchhuak thubuai hmanga case siam a ni.
