State administration council member ni mek ZCD Party General secretary Pu Gin Kham Lian aiah Chin State, USDP chairman Dr. Hmuh Thang chu SAC member thar atan February 17 khan an ruat thu Military council ten an thuchhuahah an tarlang.
Military council ten thuneihna an lak kum 2-na February 1, khan Military council thuneihna chelh mek Gen. Min Aung Hlaing chuan State administration council dan a duan lehnaah Pu Gin Kham Lian chu Military council member atan a ruat a ni.
Thantlang township khawchhuak Dr. Hmuh Thang hi kum 1990 inthlanpuiah palai atan thlan a ni a, kum 2015 inthlanpuiah pawh khan Chin State, Thantlang township-ah MP atan thlan tlin tawh a ni.
Dr. Hmuh Thang pianna Thantlang khua hi Military council ten an hal chhe vek deuhthaw a, tualchhung mipui te an tlanchhe vek bawk a ni.
Military council member thara an ruatnaah Dr. Hmuh Thang hian eng tin nge a dawnsawn dawn tih Khonumthung Media chuan nemnghehna a la nei rih lo.
