Chin State, Thantlang township-a innghat Military council Battalion Kah Lah Yah (LIB) 269-a sipai 2 te, an ralthuam famkim nen Chin Defence Force-Hakha-ah February 20 khan an inpek thu an thuchhuahah an tarlang.
Heng Military council sipai 2 te hian MA3 silai pakhat, MA1 silai pakhat, silaimu tlawn 674, silaimu indanna 9, vawm bomb 4, 60 MM 3 leh hmanraw tam tak an chhawm tel thu hriat a ni.
“Min rawn zawm avangin kan hmuaka hmun him lamah kan dah a. Mi dang te pawhin CDM-ah luhin kan do let ve ang tiin an sawi naa kan la dawngsawng rih lo” tiin CDF-Hakha-a thuneitu pakhat chuan Mizzima Media a hrilh a ni.
Hetia Military council sipai 2 te an rawn inpek avangin mi pakhatah Kyats nuai 20 ve ve kan pe a, hmun him lamah kan enkawl mek a ni tiin CDF-Hakha ten an thuchhuahah an tarlang a ni.
Heng min rawn fintu Military council sipai 2-te hian Military council kut hnuaiah nekchepin kan awm a, a hrehawm em mai tiin CDM-ah an lut thu CDF-Hakha thuneitu pakhat chuan a sawi a ni.
Kumin 2023 chhung hian Military council sipaite atanga CDF-Hakha-a inpe te hi mi 3 an ni tawh a. Military council ten thuneihna an lak hnu hian Military council sipai mi 40, CDF-Hakha-ah an inpek tawh thu hriat a ni.
